مساحة اعلانية

آخر المواضيع

الفرق ما بين a while & awhile

a while & awhile
الفرق ما بين a while & awhile

لو سألتكم أيه الفرق ما بين
a while & awhile الكلمة الأولي و الكلمة التانية كتير منكم هيتلخبط فكلمتين لهم نفس الحروف و نفس النطق و نفس المعني🙍 و علشان كده حبيت أوضحلكم الفرق بإختصار بإذن الله .


# أولاً عاوزين نكون متفقين إن الكلمتين لهم نفس المعني و ممكن يترجموا مبدأياً إلي ( لحظة أو فتره قصيره من الزمن أو برهه ) 
نفس اللحظة بتاعة الأرنب هي نفس اللحظة بتاعة السلحفة😰 . 
زي مانتوا شايفين إننا بنستخدمهم لما ما بنكونش مهتمين بمقدار الوقت المستغرق فاللحظة ممكن تتم في ثانية و ممكن تتم في ساعة و ممكن نقعد نستني اللحظة دي تيجي لحين ميسرة ( ربنا يخلينا الحكومة هم أساتذه في استخدام الكلمة دي 😹 ).

# a while --- ( أسم Noun

لاحظ معي إنها بتتكون من جزئين منفصلين خالص 
1.        أداة النكرة “ a “ و طبعا من إستخدامات أدوات النكرة (أن تستخدم بمعني Any👍.
2.       كلمة “ whileهنترجمها مجازا لـ وقت .
مثال علي الكلام ده :
لما تصحي من النوم و تروح تقول لصاحبك انا نمت شويه ( صاحبك ما يهموش انت نمت ساعه ولا عشر دقايق 
😕) فبتقول :
I slept for a while.
لما تتصل بخدمة العملاء بتاعة TEData و يقلولك من فضلك الإنتظار ، و سيتم الرد عليك من طرف أحد ممثلين خدمة العملاء ( و انت يا معلم قاعد مستني الفرج 😱 ) :
This will take a while.

awhile --- ( حال adverb)

لاحظ انها مقطع واحد ولها نفس المعني بتاع a while مع اختلاف وظيفتها في الجملة وطبعا كلنا عارفين وظيفة الحال في الجملة 😎 أنه يبين كيف تم حدوث الفعل .
مثال علي الكلام ده :
لو عاوز اقول احمد انتظرني شوية
Ahmed waited me awhile.
هنا awhile بتوصف طول الإنتظار .

التحويل من awhile الي a while :

أخر جزئية هنتكلم عليها هو أزاي أحول awhile الي a while :
بكل بساطه هنضيف قبلها
for
نجربها علي المثال السابق :

Ahmed waited me for a while.

لا تنسوا المشاركة بتعليقاتكم جزاكم الله خيراً 

الكــاتــب

ليست هناك تعليقات:

جميع الحقوق محفوظة لــ صدى نت | إضافات بلوجر | الربح من الإنترنت 2019 ©